Termat e përdorimit
KUSHTET DHE RREGULLAT E SHITJES NË RRUGË ELEKTRONIKE
1. ZBATIMI I KUSHTEVE TË PËRGJITHSHME
1.1 Këto kushte të përgjithshme për blerje në rrugë elektronike (“Kushtet e Përgjithshme”) rregullojnë të gjitha marrëdhëniet ndërmjet shoqërisë Steplon shpk, e regjistruar pranë Qendrës Kombëtare të Regjistrimit me numër unik identifikimi (NIPT) L51727023F, me seli në adresën Rruga 'Sulejman Delvina', Pall 11 H3, 1019 Tiranë, Albania (“Lentekontakti” ose "ne"), dhe klientëve që dëshirojnë të kryejnë porosi nëpërmjet faqes së internetit www.lentekontakti.al (“klientët” ose “ju”).
1.2 Duke kryer porosi dhe duke bërë blerje në rrugë elektronike nëpërmjet faqes së internetit www.lentekontakti.al, ju pranoni pa asnjë rezervë të gjitha Kushtet e Përgjithshme.
1.3 Këto kushte të përgjithshme zbatohen për të gjitha shitjet nëpërmjet faqes së internetit të Lentekontakti, qoftë nëse produktet dorëzohen në adresën e përcaktuar nga klienti, qoftë nëse ato tërhiqen në ambientet e përcaktuara nga Lentekontakti.
1.4 Lentekontakti rezervon të drejtën të ndryshojë dhe përditësojë kushtet e përgjithshme në çdo moment. Kushtet e përgjithshme të ndryshuara/përditësuara do të publikohen në faqen e internetit www.lentekontakti.al dhe nuk do të zbatohen për porosi të kryera para datës së publikimit.
2. PRODUKTET
2.1 Klientët informohen mbi karakteristikat e produkteve në faqen e internetit të Lentekontakti. Çdo informacion mbi produktet është i saktë, megjithatë klientët janë të detyruar të lexojnë udhëzimet e përdorimit.
2.2 Lentekontakti nuk garanton disponueshmërinë e çdo produkti. Në rast mungese, klienti do të informohet.
2.3 Lentekontakti ka të drejtë të ndalojë shitjen në rrugë elektronike të disa ose të gjithë produkteve në çdo moment.
3. KRYERJA E POROSISË
3.1 Për të kryer blerje në rrugë elektronike, klienti duhet të jetë mbi 18 vjeç.
3.2 Klienti detyrohet të japë të dhëna të sakta gjatë porosisë.
3.3 Çdo porosi konsiderohet e pranuar vetëm pas konfirmimit nga Lentekontakti.
4. ÇMIMI DHE PAGESA
4.1 Çmimet në faqen e internetit janë neto me TVSH dhe nuk përfshijnë kostot e dërgesës.
4.2 Klienti mund të kryejë pagesën me:
- Transfer bankar
- Pagesë në dorë kur merr porosinë (në kufijtë ligjorë të pagesave cash)
5. DORËZIMI I PRODUKTEVE
5.1 Lentekontakti dërgon produkte në të gjithë Shqipërinë dhe në vende të ndryshme të Ballkanit. Afati i dorëzimit varet nga vendndodhja e klientit.
5.2 Në rast vonese të papritur, klienti do të informohet.
6. HEQJA DORË NGA KONTRATA – KTHIMET
6.1 Klienti ka të drejtë të anulojë porosinë ose të kthejë produktet brenda 14 ditëve nga dorëzimi.
6.2 Produktet duhet të kthehen të papërdorura, në paketimin origjinal.
6.3 Rimbursimi do të kryhet pas verifikimit të produktit të kthyer.
6.4 Produktet që janë të porositura posaçërisht për klientin dhe nuk janë në gjendje stock nuk janë subjekt i kthimit. Këto përfshijnë produkte të personalizuara ose të importuara sipas kërkesës së klientit.
7. MBROJTJA E TË DHËNAVE PERSONALE
7.1 Lentekontakti përpunon të dhënat personale sipas legjislacionit përkatës.
7.2 Të dhënat ruhen për përpunimin e porosive dhe nuk ndahen me palë të treta pa pëlqimin e klientit.
8. LIGJI I ZBATUESHËM DHE JURIDIKSIONI
8.1 Këto kushte rregullohen nga legjislacioni i Republikës së Shqipërisë.
8.2 Çdo mosmarrëveshje do të zgjidhet nga Gjykata e Rrethit Gjyqësor Tiranë.